Патеката на Голем Град

Во присуство на преставници од Министерството за животна средина и просторно планирање ( МЖСПП ), претставници од Општина Ресен, невладината организација ГТЗ, гости од НП Маврово и НП Пелистер како и голем број на љубители на природата беше промовирана пешачката патека на островот Голем Град.

Патеката поминува покрај бројни историски споменици и природни вредности. Покрај сите нив се поставени информативни табли од кои посетителите ке можат полесно да се запознаат со значајните податоци за одредените локалитети.

Островот Голем Град е строго заштитено подрачје и сите заинтересирани патеката ќе можат да ја посетат со предходна најава и исклучиво во придружба на вработените од НП Галичица.